Masallıda təşkil olunmuş sərgi ilə turizm mövsümünə start verilmişdir
Masallı, 21 may (AZƏRTAC). Masallı şəhərində təşkil olunmuş turizm sərgisi ilə turizm mövsümünə start verilmişdir.
AZƏRTAC xəbər verir ki, sərgi iştirakçıları nümayiş edilən eksponatlar, xalq tətbiqi sənəti nümunələri ilə tanış olmuş, milli mətbəxin təamlarından dadmış, rayonda fəaliyyət göstərən turizm və istirahət mərkəzlərinin xidmətləri ilə yaxından tanış olmuşlar.
Tədbirdə qeyd olunmuşdur ki, ölkəmizdə dövlət səviyyəsində turizmə və bu sahədə çalışan sahibkarlara dəstək olunur. Lakin, turizm obyektlərində hələ də çatışmayan məqamlar qalmaqdadır. Müştərilərin ən çox narazı qaldıqları xidmət səviyyəsinin aşağı olmasıdır. Sahibkarlar əsasən bu istiqamətdə çalışmalı, gələn qonaqlara və turistlərə yüksək səviyyədə xidmət göstərməlidirlər.
Bildirilmişdir ki, hazırda Masallı rayonunda 28 turizm obyekti fəaliyyət göstərir. Bu obyektlərdə gün ərzində 1200 turistin istirahəti nəzərdə tutulmuşdur.
Mərasim yerli musiqiçilərin ifasında konsert proqramı ilə davam etdirilmişdir.
Bölmənin digər xəbərləri
