Azərbaycan Dövlət İnformasiya Agentliyi

İDMAN

MƏKTƏBLİLƏRİN İLK BP-AZƏRBAYCAN FUTBOL TURNİRİ BAŞA ÇATMIŞDIR

22.06.2004 [10:53]
Çap et
A⁺ A^-

AZƏRTAC xəbər verir ki, bp-Azərbaycan şirkətinin Səngəçal Terminalının Genişləndirilməsi Proqramı (STGP) çərçivəsində məktəblilər arasında keçirdiyi futbol turniri iyunun 21-də başa çatmışdır.

Üç gün davam edən turnirdə Qaradağ rayonundakı bütün orta məktəblərin futbol komandaları yarışmışlar. Komandalar 12,14 və 16 yaş qrupları üzrə təşkil olunmuşdur. Ümumiyyətlə, turnirdə 152 görüş keçirilmişdir. On iki yaşlıların oyununda Sahil qəsəbəsindəki 273 nömrəli, 14 yaşlıların yarışmasında Sahil qəsəbəsindəki 253 saylı, 16 yaşlıların mübarizəsində isə Səngəçal qəsəbəsindəki 122 nömrəli məktəblərin komandaları 1-ci yer tutmuşlar. Qalib komandalara əsas mükafatlar, digər iştirakçıların hamısına isə turnirin xatirə medalları təqdim olunmuşdur.