MONREALDA AZƏRBAYCAN DİLİNDƏ RADİO PROQRAMI YAYIMLANACAQDIR
AZƏRTAC xəbər verir ki, fervralın 25-dən Kanadanın Monreal şəhərində Azərbaycan dilində radio proqramı yayımlanacaqdır. Kvebek Azərbaycanlıları Assosiasiyasının (KAA) sədri və proqramın prodüseri Məsud Əliyev bildirmişdir ki, məqsədimiz Monreal və ona yaxın ərazilərdə yaşayan azərbaycanlıları bir yerə cəmləmək, buradakı başqa millətlərə Azərbaycan xalqının tarixi, mədəniyyəti, musiqisi haqqında ətraflı məlumat verməkdir. Radio verilişlərində Ermənistan-Azərbaycan, Dağlıq Qarabağ münaqişəsi haqqında dinləyicilərə obyektiv və ətraflı məlumatlar veriləcək, ermənilərin azərbaycanlılara qarşı törətdikləri vəhşiliklərdən və terror aktlarından danışılacaqdır. Verilişlərdə ingilis və fransız dillərində xəbərlərdən geniş istifadə olunacaqdır.
Bölmənin digər xəbərləri
