“Neftçi” kolumbiyalı yarımmüdafiəçi ilə maraqlanır
Bakı, 24 yanvar, AZƏRTAC
Bakının “Neftçi” klubu heyətini gücləndirmək üçün axtarışlarını davam etdirir. Bu yaxınlarda fransalı yarımmüdafiəçi Kilan Lebon ilə müqavilə bağlayan komanda daha bir futbolçu ilə güclənə bilər.
AZƏRTAC xəbər verir ki, paytaxt klubu kolumbiyalı yarımmüdafiəçiyə maraq göstərir. Orlando Berrio hazırda doğma ölkəsinin “Agilas Dorados Rioneqro” klubunda çıxış edir. Kolumbiya millisində 6 oyun keçirən futbolçu Braziliyanın “Flamenqo” və “Ameriko Mineyro” klublarının da şərəfini qoruyub. Danışıqlar müsbət yekunlaşarsa, Orlando Berrio “Neftçi”nin qış fasiləsində növbəti transferi olacaq.
Bölmənin digər xəbərləri
