NİJNİ NOVQORODDA “HƏYAT” QƏZETİNİN İLKNÖMRƏSİ ÇAPDAN ÇIXMIŞDIR

20.11.2006 [19:30]
Çap et
A⁺ A^-

AZƏRTAC Rusiya KİV-lərinə istinadla xəbər verir ki, Nijni Novqorodda Azərbaycan milli mədəni muxtariyyətinin “Həyat” qəzetinin birinci nömrəsi çapdan çıxmışdır. Qəzet bu ilin noyabrında qeydiyyata alınmışdır.

Nömrə bütünlüklə Nijni Novqorodda keçirilən “Rusiya dindarları birlik və vətəndaş həmrəyliyi uğrunda” II Ümumrusiya müsəlman forumuna həsr olunmuşdur. Forumda təxminən 200 min nəfəri birləşdirən gənc Azərbaycan milli mədəni muxtariyyəti də çox fəal iştirak etmişdir.

Yeni qəzetin nəşrindən məqsəd xalqımızın qədim mədəniyyəti və ənənələri haqqında məlumat vermək, Rusiyaya işləməyə və yaşamağa gələn həmvətənlərimizə yeni şəraitə uyğunlaşmaqda kömək göstərmək, onları bu ölkənin qanunvericiliyi və vilayətin ərazisində qeydiyyat və yaşamaq qaydaları ilə tanış etməkdir.

NİJNİ NOVQORODDA “HƏYAT” QƏZETİNİN İLKNÖMRƏSİ ÇAPDAN ÇIXMIŞDIR

MÜƏLLİFLƏ ƏLAQƏ

Bölmənin digər xəbərləri