Noyabrın 23-də ölkə ərazisində bəzi yerlərdə yağış yağacağı ehtimal olunur
Bakı, 22 noyabr (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, noyabrın 23-də Bakıda və Abşeron yarımadasında buludlu hava şəraitinin üstünlük təşkil edəcəyi, bəzi yerlərdə yağış yağacağı, günün ikinci yarısında arabir açılacağı ehtimal olunur. Şimal küləyinin əsəcəyi gözlənilir. Havanın temperaturu gecə 9-11, gündüz 15-19 dərəcə təşkil edəcəkdir.
Azərbaycanın rayonlarında axşam və gecə saatlarında bəzi rayonlarda yağış yağacağı, gündüz dəyişkən buludlu əsasən yağmursuz keçəcəyi, səhər ayrı-ayrı rayonlarda duman olacağı ehtimal olunur. Şərq küləyinin əsəcəyi gözlənilir. Havanın temperaturu gecə 7-10, gündüz 12-17, dağlarda gecə 2-7, gündüz 12-17 dərəcə olacaqdır.
Bölmənin digər xəbərləri
