Noyabrın 24-də yağmursuz hava şəraiti gözlənilir
Bakı, 23 noyabr (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, noyabrın 24-də Bakıda və Abşeron yarımadasında hava şəraitinin dəyişkən buludlu və əsasən yağmursuz keçəcəyi, səhər və axşam bəzi yerlərdə zəif duman olacağı, cənub-qərb küləyinin əsəcəyi gözlənilir. Havanın temperaturu gecə 8-10, gündüz 15-17 dərəcə təşkil edəcəkdir.
Azərbaycanın rayonlarında hava şəraitinin əsasən yağmursuz keçəcəyi, lakin gecə və səhər saatlarında duman, bəzi yerlərdə çiskin olacağı ehtimal olunur. Cənub-qərb küləyinin əsəcəyi, gündüz bəzi yerlərdə arabir güclənəcəyi gözlənilir. Havanın temperaturu gecə 5-10, gündüz 13-18, dağlarda gecə 2-7, gündüz 12-17 dərəcə olacaqdır.
Bölmənin digər xəbərləri
