Olimpiada zamanı Paris muzeylərini ziyarət edənlərin sayı xeyli azalıb
Bakı, 13 avqust, AZƏRTAC
Olimpiada zamanı Paris muzeylərini ziyarət edənlərin sayı xeyli azalıb.
AZƏRTAC xəbər verir ki, bu barədə “Le Parisien” qəzeti məlumat yayıb.
Nəşrin məlumatına görə, Luvr muzeyinə ziyarətçilərin sayı ötən ilin eyni dövrü ilə müqayisədə 22 faiz, Orse muzeyinə isə 29 faiz azalıb.
Fransız muzeyləri üçün ən çətin dövr iyulun 15-dən 26-dək Olimpiadanın açılışına hazırlıq dövrü olub. Qəzetin qeyd etdiyi kimi, bu zaman Luvr muzeyinə ziyarətçilərin sayı 45 faiz azalıb.
Olimpiada zamanı Pompidu Mərkəzinə gələnlərin sayında 28 faiz, Orangerie muzeyinə isə 31 faiz azalma müşahidə olunub.
Qeyd edək ki, Paris Yay Olimpiya Oyunları iyulun 26-dan avqustun 11-dək davam edib.
Bölmənin digər xəbərləri
