Özbəkistanda COVID-19 koronavirusuna yoluxanların sayı 158-ə çatıb
Daşkənd, 31 mart, АZƏRTAC
Özbəkistanda COVID-19 koronavirusa yoluxanların sayı 158-ə çatıb, dünən bu rəqəm 145 olub.
AZƏRTAC Özbəkistan Səhiyyə Nazirliyinə istinadla xəbər verir ki, Daşkənd şəhəri, Namanqan və Nəvai vilayətlərinin hesabına son sutka ərzində bu virusa yoluxanlar 13 nəfər artıb.
Nazirlikdən bildiriblər ki, indiyədək Özbəkistanda koronavirusdan yeddi xəstə sağalıb və onlar reabilitasiya mərkəzində müalicəni davam etdirirlər. Virusa yoluxanların 22-nə pnevmoniya diaqnozu qoyulub. Yeddi xəstənin vəziyyəti ağır olaraq qalır, 2 nəfər həyatını itirib.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
