Paytaxtın daha bir ərazisində işıqfor və yol nişanları quraşdırılıb
Bakı, 5 fevral, AZƏRTAC
Yol hərəkətinin təhlükəsizlik səviyyəsinin artırılması, sıxlıq hallarının aradan qaldırılması məqsədilə Bəkir Çobanzadə və Cəmşid Naxçıvanski küçələrinin kəsişməsində işıqfor obyektləri və müvafiq yol nişanları quraşdırılıb, nişanlanma işləri aparılıb.
Bakı Nəqliyyat Agentliyindən AZƏRTAC-a bildirilib ki, nəticədə kəsişmədə kilidlənmiş tıxacların yaranması ehtimalı azaldılıb, növbəli hərəkət təmin edilərək yol nəqliyyat hadisələrinin baş vermə riski minimuma endirilib, nizamlanan eyni səviyyəli piyada keçidləri sayəsində piyadaların rahatlığı və təhlükəsizliyi təmin edilib.
Bölmənin digər xəbərləri
