Povoljye Dövlət Texnoloji Universitetinin nümayəndəsi Azərbaycan Turizm İnstitutunda olmuşdur
Bakı, 29 may (AZƏRTAC). Rusiyanın Povoljye Dövlət Texnoloji Universitetinin sosial texnologiyalar fakültəsinin dekanı V.Şalayev Azərbaycan Turizm İnstitutunda (ATİ) olmuşdur.
ATİ-dən AZƏRTAC-a bildirmişlər ki, görüşdə universitetin rektoru, professor Cəfər Cəfərov rəhbərlik etdiyi ali təhsil ocağı barədə ətraflı məlumat vermişdir.
Qarşılıqlı fikir mübadiləsi aparan tərəflər gələcəkdə tələbə-professor müəllim heyətinin mübadiləsi, birgə elmi konfransların təşkili, elmi-tədqiqat işlərinin aparılması, təcrübə imkanlarının müəyyənləşdirilməsi kimi istiqamətlərdə ikitərəfli əməkdaşlıq barədə razılaşmışlar.
Sonra qonaq turizm və otelçilik, sosial iş ixtisasları üzrə kadr hazırlığı ilə tanış olmaq məqsədilə müvafiq kafedralarda professor-müəllim heyəti ilə görüşmüşdür.
Bölmənin digər xəbərləri
