Prezident İlham Əliyev Füzulidə sakinlərlə görüşdə şəhidlərimizə ehtiramını bir daha ifadə edib
Bakı, 17 oktyabr, AZƏRTAC
Azərbaycan Prezidenti İlham Əliyev oktyabrın 17-də “Füzuli Şəhəri Günü”ndə Füzuli şəhərinə köçmüş sakinlər və rayon ictimaiyyətinin nümayəndələri ilə görüşündə şəhidlərimizə dərin ehtiramını bir daha ifadə edib.
AZƏRTAC xəbər verir ki, dövlətimizin başçısı bununla bağlı deyib: “Bu gün bu bayram gününü qeyd edərkən, təbii ki, əziz şəhidlərimizin xatirəsinə hamımız bir daha öz dərin ehtiramımızı ifadə edirik. Mən iki gün əvvəl Xankəndinin əsas, mərkəzi meydanında xalqa müraciət edərkən demişdim ki, bu günə görə biz onlara borcluyuq. Bu, həqiqətdir”.
Bölmənin digər xəbərləri
