Qlobal enerji liderləri “CERAWeek” forumuna toplaşır
Bakı, 18 mart, AZƏRTAC
“CERAWeek” qlobal enerji forumu energetika sahəsində imkanları və riskləri araşdırmaq üçün ABŞ-ın Texas ştatının Hyuston şəhərində işə başlayır.
AZƏRTAC Sinxua agentliyinə istinadla xəbər verir ki, bir həftə davam edəcək forumda enerji bazarları, siyasi vəziyyət, şirkət strategiyaları, kapital keçidi, iqlim və davamlılıq, minerallar, metallurgiya və digər sahələrdə suallara aydınlıq gətirən 1400-dən çox məruzəçi iştirak edəcək.
“CERAWeek” həmçinin COP28-dən sonra dünyanın müxtəlif bölgələrində artan gərginliyin təhlükəsizlik və rifah yollarını müəyyənləşdirmək məqsədi daşıyır. Forumda Asiya, Yaxın Şərq, Latın Amerikası və Afrikanın siyasi və sənaye liderləri öz fikirlərini ortaya qoyacaq.
Dünyanın ən böyük neft-qaz hasilatçılarından biri olan Rusiya Ukraynaya hərbi təcavüzü ilə bağlı məruz qaldığı sanksiyalara görə tədbirdə iştirak edə bilməyəcək.
Qeyd edək ki, Ukraynada müharibənin davam etdiyi və Yaxın Şərqdə geosiyasi gərginliyin artdığı bir vaxtda enerji təhlükəsizliyi məsələsi daha da aktuallaşıb.
Bölmənin digər xəbərləri
