Rusiya və Türkiyə xarici işlər nazirləri Cənubi Qafqazda vəziyyəti müzakirə ediblər
Moskva, 7 aprel, AZƏRTAC
Rusiya və Türkiyənin xarici işlər nazirləri Sergey Lavrov və Mövlud Çavuşoğlu Cənubi Qafqazda vəziyyəti müzakirə ediblər.
AZƏRTAC xəbər verir ki, bu barədə Rusiya XİN başçısı Sergey Lavrov türk həmkarı Mövlud Çavuşoğlu ilə Ankarada keçirilən danışıqların yekunlarına dair mətbuat konfransında bildirib.
“Biz Cənubi Qafqazın bütün ölkələri arasında əməkdaşlığın dərinləşməsinə tərəfdarıq. Biz Rusiyanın dəstəyi ilə Ermənistan və Türkiyə arasında münasibətlərin normallaşdırılması, regionda nəqliyyat əlaqələrinin və kommunikasiyaların açılması, Cənubi Qafqazda postmünaqişə dövründə bərpa proseslərini alqışlayırıq”, - deyə nazir bildirib.
S.Lavrov deyib ki, bütün bu proseslər Azərbaycan, Ermənistan və Rusiya liderlərinin imzaladıqları üçtərəfli razılaşmalar əsasında aparılmaqda davam etməlidir. “Ümid edirik ki, regiondakı bəzi həmkarlarımız bu proseslərə mane olmayacaq, tərəfləri əldə olunmuş razılaşmaları yerinə yetirməyə çağıracaqlar”, - deyə nazir vurğulayıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
