Şəkidə piyadanın ölümü ilə nəticələnən yol qəzası baş verib
Şəki, 29 iyun, AZƏRTAC
Bu gün saat 17 radələrində Şəki rayonunun Böyük Dəhnə kəndi ərazisində piyadanın ölümü ilə nəticələnən yol-nəqliyyat hadisəsi qeydə alınıb.
Daxili İşlər Nazirliyinin mətbuat xidmətinin regional qrupundan AZƏRTAC-ın bölgə müxbirinə verilən məlumata görə, Azad Abdullayev idarə etdiyi “Mercedes” markalı avtomobillə kənd sakini 75 yaşlı Fəxrəddin Beybudovu vurub.
Piyada aldığı xəsarətlərdən hadisə yerində ölüb.
Faktla bağlı ərazi üzrə polis orqanında cinayət işinə başlanılıb, istintaq aparılır.
Bölmənin digər xəbərləri
