Seneqal millisi tarixində ikinci dəfə dünya çempionatının final mərhələsinə vəsiqə qazanıb
Bakı, 11 noyabr, AZƏRTAC
Futbol üzrə Seneqal milli komandası 2018-ci ildə Rusiyada keçiriləcək dünya çempionatına vəsiqə qazanıb.
AZƏRTAC xəbər verir ki, Seneqal qrup mərhələsi çərçivəsində Cənubi Afrika Respublikasına 2:0 hesabı ilə qalib gəlib. Qrup mərhələsinin sonuna bir tur qalmış seneqallılar 11 xalla Kabo-Berde, Burkina-Faso və Cənubi Afrika Respublikasını qabaqlayaraq birinci yerdə qərarlaşaraq “Rusiya 2018”in final mərhələsinə vəsiqəni təmin ediblər.
Qeyd edək ki, Seneqal dünya çempionatı tarixində 2002-ci ildən sonra ikinci dəfədir ki final mərhələsində iştirak edəcək.
Bölmənin digər xəbərləri
