“Swissôtel Hotels & Resorts” mehmanxanalar şəbəkəsi Bakıda yeni otel açacaqdır
Bakı, 21 iyun (AZƏRTAC). “Swissôtel Hotels & Resorts” mehmanxanalar şəbəkəsi Cənub-Şərqi Asiyada və Avropada fəaliyyətini genişləndirməkdə davam edir. Şirkət Bakıda lüks sinfinə aid yeni otel tikdirmək niyyətində olduğunu bildirmişdir.
“Swissôtel Baku” adlanacaq bu mehmanxananın 2015-ci ildə, tarixdə ilk dəfə təşkil olunacaq və Azərbaycan paytaxtında keçiriləcək Avropa Oyunları ərəfəsində açılması nəzərdə tutulur.
“Swissôtel Baku” oteli bir bünövrə üzərində ucaldılan iki qüllədə yerləşəcəkdir. Qüllələrdən biri ticarət obyektləri və restoranlar üçün ayrılacaqdır. 160 metr hündürlüklü ikinci qüllə isə məxsusi otel üçün nəzərdə tutulur. Burada 149 “adi” nömrə və syut (orijinal tərtibatlı geniş nömrə), 45 apartament və qeyri-rəsmi şəxslər üçün 80 iqamətgah olacaqdır.
2100 kvadrat metr sahədə spa və fitnes-klub, 30.000 metr sahədə isə korporativ ehtiyaclar üçün obyektlər yaradılması nəzərdə tutulur.
Bölmənin digər xəbərləri
