CƏMİYYƏT
TƏBİB: İyul ayında günvurma ilə bağlı 45 müraciət daxil olub
![TƏBİB: İyul ayında günvurma ilə bağlı 45 müraciət daxil olub](/files/2023/2/1200x630/16915692802831453936_1200x630.jpg)
Bakı, 9 avqust, AZƏRTAC
Tibbi Ərazi Bölmələrini İdarəetmə Birliyinin (TƏBİB) tabeliyində fəaliyyət göstərən Bakı Şəhəri Təcili və Təxirəsalınmaz Tibbi Yardım Stansiyasına iyul ayı ərzində günvurma ilə bağlı ümumilikdə 45 nəfər müraciət edib. Onlardan 7-si isə uşaq olub.
TƏBİB-dən AZƏRTAC-a verilən məlumata görə, müraciət edən böyüklərdən 9-u qadın, 7-si kişi olmaqla 16 nəfər, uşaqlardan isə 4-ü hospitalizasiya edilib.
Son iki gün ərzində isə günvurma ilə bağlı 2 müraciət daxil olub. Onlardan biri qadın, digəri isə kişi olub. Qadın vətəndaşa yerində yardım göstərilib, kişi vətəndaş isə Kliniki Tibbi Mərkəzə hospitalizasiya olunub.