“Turan Tovuz” klubu albaniyalı futbolçu ilə müqavilə imzalayıb
Bakı, 23 yanvar, AZƏRTAC
“Turan Tovuz” klubu növbəti transferini gerçəkləşdirib.
AZƏRTAC kluba istinadən xəbər verir ki, Tovuz təmsilçisi Albaniyanın “Skenderbeu" komandasından Belaydi Pusini transfer edib.
Albaniyalı hücumçu ilə 6 ay +1 il müddətində rəsmi müqavilə bağlanıb. Mövsümün sonunda onun çıxışı məşqçilər korpusunu razı salarsa, müqavilənin növbəti 1 illik hissəsi qüvvəyə minəcək.
Ölkəsinin “Vllazniya” klubunun yetirməsi olan 25 yaşlı futbolçu, son olaraq “Skenderbeu”nun formasını geyinib. O, bu mövsüm meydana çıxdığı 12 oyunda 6 qol vurub.
Bölmənin digər xəbərləri
