Türkiyə ərazisini qanunsuz yollarla tərk etmək istəyən 19 miqrant saxlanılıb
İstanbul, 29 iyul, AZƏRTAC
Türkiyənin Çanaqqala vilayətinin Ayvacık rayonu ərazisində ölkə ərazisini qanunsuz yollarla tərk etməyə çalışan 19 miqrant saxlanılıb.
AZƏRTAC xəbər verir ki, içərisində miqrantların olduğu qayıqda Egey dənizinin şimalında texniki nasazlıq yaranıb. Miqrantlar Türkiyənin Sahil Mühafizə Xidmətinin əməkdaşları tərəfindən xilas ediliblər.
Bölgədə miqrantların qanunsuz hərəkətinin qarşısının alınması məqsədilə əməliyyat tədbirləri həyata keçirilir.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
