Ukrayna daha 100 hərbi qulluqçunun cəsədini təhvil alıb
Kiyev, 15 mart, AZƏRTAC
Ukrayna rəsmiləri bu ölkənin azadlığını və müstəqilliyini müdafiə edərək canlarını qurban verən daha 100 hərbçinin cəsədini geri qaytarıb.
Bu barədə AZƏRTAC Hərbi əsirlərlə Rəftar üzrə Koordinasiya Qərargahının Telegram kanalına istinadla xəbər verir.
“Ukrayna Silahlı Qüvvələri, ölənlərin şəxsiyyətlərini müəyyənləşdirmək üçün hüquq-mühafizə orqanlarının nümayəndələrinə və məhkəmə-tibb mütəxəssislərinə təhvil vermək üçün geri qaytarılmış cəsədlərin və qalıqların müəyyən dövlət qurumlarına çatdırılmasını təmin edəcək”, - deyə qərargahın mətbuat xidməti yazır.
Kimlikləri eyniləşdirildikdən sonra hərbi qulluqçuların cəsədləri dəfn edilmək üçün ailələrinə təhvil veriləcək.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
