Ukrayna və Rumıniya prezidentləri sülh formulunu müzakirə ediblər
Kiyev, 4 yanvar, AZƏRTAC
Yanvarın 4-də Ukrayna Prezidenti Volodimir Zelenski ilə Rumıniya Prezidenti Klaus Yohannis arasında telefon danışığı olub.
AZƏRTAC xəbər verir ki, bu barədə Ukrayna Prezidenti tviter səhifəsində məlumat yayıb.
Liderlər Ukrayna-Rumıniya əməkdaşlığının, ilk növbədə, müdafiə sənayesində daha da inkişaf etdirilməsi üçün addımlar barədə razılığa gəliblər.
“Rusiyanın təcavüzünə qarşı mübarizədə Rumıniyanın həmrəyliyinə və dəstəyinə görə təşəkkür etdim. Biz sülh formulunu və ikitərəfli gündəmdəki məsələləri müzakirə etdik”, - deyə Zelenski yazıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
