Vəzifəli şəxs ağac kəsdiyi üçün cərimələndi
Bakı, 22 fevral, AZƏRTAC
Ekologiya və Təbii Sərvətlər Nazirliyinin (ETSN) “Qaynar xətt”inə Binəqədi rayonunun Mir Cəlal küçəsi, 41 saylı binanın yaxınlığında ağacların kəsilməsi ilə bağlı fevralın 20-də şikayət daxil olub. Şikayət ETSN-in əməkdaşları tərəfindən yerində araşdırılıb.
Nazirliyin mətbuat xidmətindən AZƏRTAC-a verilən məlumata görə, araşdırma zamanı həmin ünvanda 3 ədəd şam ağacının Bakı Şəhər Yaşıllaşdırma Təsərrüfat Birliyinin Binəqədi rayon yaşıllaşdırma sahəsi rəisinin göstərişi əsasında qanunsuz kəsilməsi faktı aşkar olunub. Faktla bağlı İnzibati Xətalar Məcəlləsinin 92.2 maddəsinə müvafiq olaraq sahə rəisi Maşallah Məmmədov vəzifəli şəxs qismində 6 min manat məbləğində cərimə edilib.
Bölmənin digər xəbərləri
