Volfqanq İşinger: Müharibə amili qarşıya yeni çağırışlar qoyur
Bakı, 16 mart, AZƏRTAC
Avropa İttifaqının sıraları genişləndikcə, özü ilə sülh gətirməlidir. Müharibələr, münaqişələr artdıqca, istər-istəməz bütün qitələrə təsir edir. Burada söhbət, təbii ki, Qərbi Avropada, Balkanlarda baş verənlərdən gedir. Müharibə amili qarşıya yeni çağırışlar qoyur.
AZƏRTAC xəbər verir ki, bu fikirləri Münxen Təhlükəsizlik Konfransı Fondu Şurasının prezidenti Volfqanq İşinger XI Qlobal Bakı Forumu çərçivəsində “Regional perspektivlər: Avropa İttifaqı və onun qonşuları” mövzusunda martın 16-da keçirilən panel iclasda səsləndirib.
Zamanın məhdud olduğunu diqqətə çatdıran V.İşingerin sözlərinə görə, bizə möhlət verilməyib və hər dəqiqə qiymətlidir. Müharibələr, münaqişələr nəticəsində on minlərlə insanın həyatını itirdiyini bildirən Forum iştirakçısı qeyd edib: “Düşünürəm ki, sülhün təmin olunması istiqamətində danışıqlar düzgün formada aparılmır. Biz qəbuletmə prosedurlarını yenidən nəzərdən keçirməliyik”.
Onun sözlərinə görə, Avropanın ilkin ideyası inteqrasiya ilə bağlıdır və Lissabon sammiti Avropa İttifaqına yeni üzvlərin qəbul edilməsinə qadağa qoymur.
Bölmənin digər xəbərləri
