Xarici turistlərin Gəncəyə marağı getdikcə artır
Gəncə, 24 iyun (AZƏRTAC). Bu il Gəncəyə gələn turistlərin sayında artım müşahidə olunur.
Bu barədə AZƏRTAC-a məlumat verən Gəncə Regional Turizm İnformasiya Mərkəzinin direktoru Cumalı Rəhimov demişdir ki, Gəncə böyüyüb inkişaf etdikcə turistlərin bu qədim şəhərə marağı da artır. Artıq bir neçə ildir ki, turistlərin sayında davamlı artım müşahidə olunur. Əgər 2010-cu ildə Gəncəyə 6 min 400 xarici turist gəlmişdisə, keçən il bu rəqəm 8 min 500 nəfərə çatmışdır.
Xarici turistlərin Gəncə və ətraf bölgələrə marağını artırmaq məqsədi ilə hər il yeni turizm marşrutlarının yaradıldığını diqqətə çatdıran Cumalı Rəhimov onu da əlavə etmişdir ki, Azərbaycanın tarixi yerləri və abidələri haqqında geniş məlumat verilməsi məqsədi ilə bir neçə dildə bukletlər də hazırlanmışdır.
Bölmənin digər xəbərləri
