Xətai rayonunda yaşayış binasında baş vermiş yanğın zamanı iki nəfər xilas edilib
Bakı, 5 fevral, AZƏRTAC
Bakı şəhərinin Xətai rayonunda çoxmərtəbəli yaşayış binasının dördüncü mərtəbəsində ümumi sahəsi 51 kvadratmetr olan mənzildə bir ədəd divan və yataq dəsti yanıb, yüksək temperaturdan otağın divarları 12 kvadratmetr sahədə qarsalanıb.
AZƏRTAC Fövqəladə Hallar Nazirliyinin saytına istinadla xəbər verir ki, yanğın zamanı iki nəfər yanğınsöndürənlər tərəfindən xilas edilib və tüstüdən zəhərlənmə diaqnozu ilə Təcili və Təxirəsalınmaz Tibbi Yardım Stansiyasının həkim briqadasına təhvil verilib.
Mənzil yanğından mühafizə olunub.
Alov yanğından mühafizə bölmələri tərəfindən söndürülüb.
Bölmənin digər xəbərləri
