YAPONİYADA “AZƏRBAYCAN MİLLİ MUSİQİSİ VƏ RƏQSİ” ADLI TƏDBİR KEÇİRİLMİŞDİR
Dostluq cəmiyyətinin sədri, “Qafqaz-Xəzər Salonu” layihəsinin müəllifi, Osaka Universitetinin tədqiqatçı alimi Rəhman Şahhüseynli tədbiri açaraq layihə çərçivəsində görülmüş işlərdən, bu cür tədbirlərin Azərbaycanla Yaponiya arasında dostluq əlaqələrinin inkişafında əhəmiyyətindən danışmışdır. O demişdir ki, “Qafqaz-Xəzər Salonu” layihəsinin növbəti mərhələsində dekabrın 28-də Osaka şəhərində Dünya Azərbaycanlılarının Həmrəyli günü münasibəti ilə möhtəşəm tədbir keçiriləcəkdir. R.Şahhüseynli bütün iştirakçıları həmin tədbirə dəvət etmişdir.
Osakanın tanınmış elm xadimləri, ziyalılar, ictimaiyyət, eləcə də türk diaspor təşkilatları nümayəndələrinin iştirak etdiyi bu tədbirin sonunda peşəkar rəqqas Ramil Cəfərov milli rəqslərimizi ifa etmişdir. Sonra, Azərbaycanın milli rəqsləri və klassik musiqimizlə bağlı video materiallar nümayiş etdirilmişdir.
Yaponlar milli mədəniyyətimizə, rəqs və musiqimizə heyranlıqlarını bildirmiş, milli musiqimizin sədaları altında rəqs etmişlər.
Bölmənin digər xəbərləri
