YUSİF VƏZİR ÇƏMƏNZƏMİNLİNİN ŞƏXSİ ARXİVİ ZƏNGİNLƏŞDİRİLMİŞDİR
İnstitutdan AZƏRTAC-a bildirmişlər ki, bu günlərdə ədibin oğlu Fikrət Vəzirov atasına aid bir çox sənədləri arxivə təqdim etmişdir. Sənədlər arasında Y.V.Çəmənzəminlinin doğum, evlənmə haqqındakı şəhadətnamələri, Şuşa realnı məktəbini bitirməsi ilə əlaqədar sənəd, Kiyev Universitetini qurtarması barədə diplom, sürgündə olarkən həyat yoldaşı və bacısına yazdığı məktublar da vardır.
Yazıçı həbs olunarkən evindən tapılmış əşyaların Daxili İşlər Komissarlığı tərəfindən tərtib olunmuş siyahısı, onun repressiya qurbanı kimi 1956-cı ildə aldığı bəraət kağızı, tarixçi alim Sara Aşurbəyli ilə görüşlərini təsdiq edən məktubları da maraq doğuran sənədlərdəndir.
Bölmənin digər xəbərləri
