2007-Cİ İL XARİCİ ÖLKƏLƏRDƏKİ AZƏRBAYCAN DİASPORLARININ YÜKSƏLİŞ İLİ OLACAQDIR

31.12.2006 [00:32]
Çap et
A⁺ A^-

AZƏRTAC xəbər verir ki, Xarici Ölkələrdə Yaşayan Azərbaycanlılarla İş üzrə Dövlət Komitəsinin sədri Nazim İbrahimov jurnalistlərə müsahibəsində ümummilli lider Heydər Əliyevin 1991-ci ildən xalqımıza bəxs etdiyi bayramın - Dünya Azərbaycanlılarının Həmrəyliyi Gününün azərbaycanlıların bir araya gəlməsi, həmrəy olması üçün çox mühüm rol oynadığını bildirmişdir. Əminliklə demək olar ki, Prezident İlham Əliyev ümummilli liderin daxili və xarici siyasətini uğurla davam etdirərək bu ənənəni bir qədər də inkişaf etdirmişdir. Artıq bu gün bütün azərbaycanlılar həmrəydirlər, bir yerdədirlər.

Prezident İlham Əliyevin dünya azərbaycanlılarına builki müraciətində artıq bu notlar hiss olunur. Biz artıq birləşmişik, bir yerdəyik və başqa bir müstəvidə - böyük informasiya mübarizəsində, informasiya müharibəsində daha yeni addımlar atmalıyıq. Prezidentimizin dediyi kimi, müdafiə taktikasından hücum taktikasına keçmək lazımdır və Azərbaycanın səsini bütün dünyada eşitdirmək lazımdır.

Qeyd etmək istərdim ki, dünya azərbaycanlıları da bu çağırışa artıq qoşulmuşlar. İki gün ərzində komitəyə gələn məktublar sübut edir ki, gələn il diasporlarımızın yüksəliş ili olacaqdır, soydaşlaımızın yaşadıqları ölkələrdə Azərbaycanın haqq səsi daha da yüksələcəkdir.

2007-Cİ İL XARİCİ ÖLKƏLƏRDƏKİ AZƏRBAYCAN DİASPORLARININ YÜKSƏLİŞ İLİ OLACAQDIR

MÜƏLLİFLƏ ƏLAQƏ

Bölmənin digər xəbərləri