“AKKORD”UN NÜMAYƏNDƏLƏRİ NAFTALANDA XOCALI MƏKTƏBLİLƏRI İLƏ GÖRÜŞMÜŞLƏR
Bakı, 26 fevral (AZƏRTAC). “Akkord” Şirkətlər Qrupunun nümayəndələri Xocalı soyqırımının 18-ci ildönümü ilə əlaqədar Naftalanda yerləşən 1 nömrəli Xocalı məktəbinin kollektivi ilə görüşmüşlər.
Şirkətlər Qrupunun İctimaiyyətlə Əlaqələr Departamentinin rəhbəri Afaq Quliyeva bildirmişdir ki, Xocalı soyqırımı Azərbaycan tarixinə qanlı hərflərlə yazılmışdır. Bu faciə daim yaddaşlarda qalacaq və soyqırımı qurbanlarının qanı yerdə qalmayacaqdır.
Xocalı rayon təhsil şöbəsinin nümayəndəsi Xəyyam Cəfərov “Akkord”un kollektivinə minnətdarlığını bildirmişdir.
Sonda məktəbin şagird və müəllim kollektivinə hədiyyələr təqdim edilmişdir.
Bölmənin digər xəbərləri
