Aleksander Çeferin İngiltərə klublarının Super Liqadan imtina etmələrini alqışlayıb
Bakı, 21 aprel, AZƏRTAC
UEFA-nın prezidenti Aleksander Çeferin İngiltərə futbol klublarının Super Liqadan imtina etməsini alqışlayıb.
AZƏRTAC xəbər verir ki, bu barədə Britaniyanın nüfuzlu yayım korporasiyası “BBC” məlumat yayıb.
UEFA-nın rəhbəri qeyd edib ki, İngiltərənin “Arsenal”, “Liverpul”, “Mançester Siti, “Mançester Yunayted, “Tottenham” və “Çelsi” komandalarının Super Liqadan imtina etmələri təqdirəlayiqdir: “İndi önəmli olan odur ki, əvvəlki birliyi bərpa edək və birlikdə irəliləyək”.
Qeyd edək ki, aprelin 19-da Avropanın on iki futbol klubu Super Liqanın yaradıldığını bəyan edib. Bu qərar UEFA-nın etirazına səbəb olub.
Bölmənin digər xəbərləri
