Alimlər iqlim dəyişikliyini 2016-cı ildə dünya üçün başlıca təhlükə hesab edirlər
Bakı, 2 mart, AZƏRTAC
Alimlər son bir neçə ildə qlobal problemə çevrilən iqlim dəyişikliyini dünya üçün başlıca təhlükə hesab edirlər.
AZƏRTAC Rusiya mətbuatına istinadla xəbər verir ki, ekoloqlar son illərin iqlim vəziyyətini təhlil etdikdən sonra bu qənaətə gəliblər. Mövcud iqlim dəyişiklikləri planetin bütün guşələrində, o cümlədən Rusiyada müşahidə olunur. 2016-cı ilin qışı isə bütün meteomüşahidələr tarixində ən isti qış olub.
Ən yüksək temperatur Yaponiya, ABŞ və Böyük Britaniyada qeydə alınıb. ABŞ-da isə bahar üçün səciyyəvi olan tornado qış aylarında baş verib.
Alimlər dünya birliyini qlobal iqlim dəyişikliyinə ciddi yanaşmağa çağırır və 2016-ci ildə dünya üçün əsas təhlükənin iqlim dəyişikliyi olduğunu bildirirlər.
Bölmənin digər xəbərləri
