Anar Quliyev: Ulu Öndər şəhərlərin müasirləşməsinə çox böyük önəm verib
Bakı, 10 may, AZƏRTAC
Bu gün Azərbaycan xalqı üçün çox önəmli bir gündür. Ulu Öndər Heydər Əliyevin doğum günü bizim üçün çox böyük bir bayramdır. Azərbaycan dövlətinin banisi, qurucusu və memarı olan, bütün həyatını doğma xalqına, Vətəninə həsr edən Ümummilli Lider bugünkü müasir Azərbaycanı bizə miras qoyub.
AZƏRTAC xəbər verir ki, bunu mayın 10-da Fəxri xiyabanı ziyarət edən Dövlət Şəhərsalma və Arxitektura Komitəsinin sədri Anar Quliyev deyib.
"Ulu Öndər bütün fəaliyyəti boyu digər sahələrdə olduğu kimi, şəhərsalma və memarlıq sahəsinə də xüsusi diqqət ayırıb. Xüsusən də quruculuğa, şəhərlərin müasirləşməsinə, insanların həyat şəraitinin, həyat keyfiyyətinin yaxşılaşmasına, infrastrukturun qurulmasına çox böyük önəm verib. Bizim də borcumuzdur ki, Ümummilli Liderin qoyduğu yolu Prezident İlham Əliyevin rəhbərliyi ilə davam etdirək və şəhərlərimizi daha gözəl, daha təhlükəsiz və daha rahat edək", - deyə A.Quliyev bildirib.
Bölmənin digər xəbərləri
