“AVROPA BİRLİYİ ONLUĞU XALQLARININ MƏDƏNİYYƏTİ İLİ” BAŞLANMIŞDIR

07.05.2004 [18:08]
Çap et
A⁺ A^-

AZƏRTAC-ın müxbiri xəbər verir ki, Avropa Birliyinə daxil olmuş on yeni dövlətin mədəniyyət nazirləri Berlində toplantı keçirmişlər. Almaniya Federal Mədəniyyət Nazirliyinin himayəsi altında keçirilən toplantıda

“Çoxmillətli vahid Avropa - çoxşaxəli, rəngarəng mədəniyyətlər. Avropa Birliyinin on yeni üzv ölkəsi xalqlarının mədəni irsinin təbliği və təşviqi” mövzusunda məsləhətləşmələr diqqət mərkəzində olmuşdur.

2004-cü ilin may ayından 2005-ci ilin mayına qədərki müddəti “Avropa Birliyi onluğu xalqlarının mədəniyyəti ili” elan edən toplantı iştirakçıları, qarşıdakı bir il ərzində 600-dan artıq ölkələrarası qarşılıqlı mədəni tədbirlər proqramı hazırlayıb həyata keçirmək barədə memorandum imzalamışlar.

Avropa Birliyinin yeni üzvlərindən dəvət olunmuş tanınmış incəsənət

ustaları klassik opera musiqisindən ibarət qala konsertlə onluğun mədəniyyət ilinin başlandığını elan etmişlər.