Avtomobil qaçırmaqda şübhəli bilinən şəxs yaxalanıb
Bakı, 29 iyul, AZƏRTAC
Xətai rayonunda Bakı şəhər sakini Y.İbrahimova məxsus “QAZ-2410” markalı avtomobil qaçırılıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, avtomobili oğurlamaqda şübhəli bilinən V.Axundov rayon polis idarəsinin 36-cı polis bölməsi əməkdaşlarının keçirdikləri əməliyyat-axtarış tədbiri nəticəsində yaxalanıb.
Masallı rayonu ərazisindəki evlərin birindən 600 manat məbləğində pul oğurlamaqda şübhəli bilinən Musaküçə kənd sakini T.Hüseynova isə rayon polis şöbəsinin əməkdaşlarının keçirdikləri əməliyyat-axtarış tədbirləri nəticəsində tutulub.
Hər iki hadisə ilə bağlı araşdırmalar aparılır.
Bölmənin digər xəbərləri
