Azərbaycan Birləşmiş Ərəb Əmirliklərində keçiriləcək beynəlxalq turizm sərgisində təmsil olunacaqdır
Bakı, 25 mart (AZƏRTAC). Mayın 6-dan 9-dək Birləşmiş Ərəb Əmirliklərinin Dubay şəhərində “ATM” (Arabian Travel Market) Beynəlxalq turizm sərgisi keçiriləcəkdir.
Mədəniyyət və Turizm Nazirliyinin turizm şöbəsindən AZƏRTAC-a bildirmişlər ki, beynəlxalq sərgidə ölkəmizin görməli yerləri, mədəni-tarixi abidələri, mehmanxana və turizm obyektləri müxtəlif adda broşür, buklet və CD-lər vasitəsilə təbliğ olunacaqdır.
Sərgidə nazirliyin turizm şöbəsinin əməkdaşları, ölkəmizdə fəaliyyət göstərən bir neçə turizm şirkətinin nümayəndələri iştirak edəcəklər.
Bölmənin digər xəbərləri
