“Azərbaycan, odlar ölkəsi” adlı ekran əsəri Beynəlxalq turizm filmləri festivalında qalib olmuşdur
Bakı, 9 iyul (AZƏRTAC). İtaliyanın Pulya bölgəsinin Leççe şəhərində bu ölkənin Prezidenti Ciorcio Napolitanonun himayəsi ilə Beynəlxalq turizm filmləri festivalı keçirilmişdir.
İtaliyalı rejissor Daniele Carminatinin Azərbaycan Respublikası Mədəniyyət və Turizm Nazirliyinin sifarişi ilə çəkdiyi “Azərbaycan, odlar ölkəsi” filmi festivalın qalibləri sırasına daxil olmuşdur.
Mədəniyyət və Turizm Nazirliyinin mətbuat xidmətindən AZƏRTAC-a bildirmişlər ki, beynəlxalq festival 1962-ci ildən etibarən hər il keçirilir. Builki müsabiqədə dünyanın müxtəlif ölkələrində istehsal olunmuş 150 film nümayiş etdirilmişdir.
Bölmənin digər xəbərləri
