Azərbaycana gələn turistlərin sayında 10 faizədək artım gözlənilir
Bakı, 27 aprel (AZƏRTAC). Bu il Azərbaycana gələn turistlərin sayında artımın 10 faizdən aşağı olmayacağı gözlənilir.
AZƏRTAC xəbər verir ki, bunu mədəniyyət və turizm naziri Əbülfəs Qarayev jurnalistlərə müsahibəsində demişdir.
Onun sözlərinə görə, Azərbaycanda elektron vizanın tətbiqi ölkəyə gələn turistlərin sayının artmasına təsir göstərəcəkdir. Adətən hər il ölkəyə gələn turistlərin sayında 10-15 faiz artım müşahidə edilir. Elektron vizanın tətbiqi ilə bağlı müəyyən texniki məsələlərin tamamlanması tələb olunur. Şübhə yoxdur ki, biz yay mövsümünü tam hazırlıqla qarşılayacağıq. Azərbaycanın turizm şirkətlərinin də bu prosesə qoşulmağa böyük maraqları vardır. İnanıram ki, bu, öz müsbət təsirini göstərəcəkdir.
Bölmənin digər xəbərləri
