Azərbaycanın böyük turizm potensialı vardır
Bakı, 12 mart (AZƏRTAC). Azərbaycanın böyük turizm potensialı vardır.
AZƏRTAC xəbər verir ki, bu sözləri Almaniyanın paytaxtı Berlində təşkil olunmuş “İTB Berlin-2013” Beynəlxalq turizm sərgisində iştirak etmiş Azərbaycan milli futbol komandasının baş məşqçisi Berti Foqts demişdir.
B.Foqts bildirmişdir ki, digər sahələrdə olduğu kimi, turizm sahəsində də Azərbaycan inkişaf etməkdədir. Relyefinə və təbiətinə görə çox cəlbedici olan Azərbaycan turistlər üçün təbiəti və qədim abidələri ilə kəşf ediləsi yerdir.
Baş məşqçi qeyd etmişdir ki, “İTB Berlin -2013” turizm sərgisində iştirak etməsi Azərbaycana olan marağı daha da artıracaqdır. Bu, bir daha onu göstərir ki, Azərbaycanın turizm sahəsində müəyyənləşdirdiyi strategiya doğru və məqsədyönlüdür.
Bölmənin digər xəbərləri
