Azərbaycanın dağlıq ərazilərində qar yağacağı gözlənilir
Bakı, 9 dekabr, AZƏRTAC
Dekabrın 10-da Azərbaycanın dağlıq ərazilərində hava əsasən yağmursuz keçəcək, lakin ayın 11-də gecə və səhər bəzi yerlərdə hava şəraitinin yağıntılı olacağı, dağlıq ərazilərdə sulu qar, qar yağacağı gözlənilir.
Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, aran rayonlarında isə hava əsasən yağmursuz keçəcək. Gecə və səhər bəzi yerlərdə duman olacaq. Temperatur gecə 0-5° isti, gündüz 7-12° isti təşkil edəcək.
Cənub bölgəsində də hava əsasən yağmursuz keçəcək, gecə və səhər bəzi yerlərdə duman, çiskin olacaq. Temperaturun gecə 2-5° isti, gündüz 7-12° isti, dağlarda gecə 0-5° isti, gündüz 5-9° isti olacağı gözlənilir.
Bölmənin digər xəbərləri
