Azərbaycanın “Təbiət Dostları” beynəlxalq ekoloji təşkilata üzv seçildi
Bakı, 9 dekabr, AZƏRTAC
Azərbaycanın “Təbiət Dostları” Gənclər İctimai Birliyi Beynəlxalq Gənc Təbiət Dostları Təşkilatının (International Young Nature Friends - IYNF) rəsmi üzvü oldu.
Növbəti seçkilərdə isə “Təbiət Dostları” Avropada ən fəal ekoloji təşkilatlardan biri olan İYNF-nin İdarə Heyətində təmsilçilik əldə etmək niyyətindədir.
İctimai Birlikdən AZƏRTAC-a verilən məlumata görə, 1975-ci ildə yaradılan bu qurum Qafqaz regionunda ilk dəfə “Təbiət Dostları” Gənclər İctimai Birliyi ilə əməkdaşlıq qurub.
Azərbaycanda ekoloji maarifləndirici tədbirlər həyata keçirən “Təbiət Dostları” ilk dəfə olaraq ekoloji nəqliyyat vasitəsi - velosipedin təbliğinə başlayıb. Hazırda təşkilatın nəzdində “Yaşıl velosipedçilər” klubu fəaliyyət göstərir. Eyni zamanda, ölkəmizdə ekoturizmin inkişafı sahəsində bir çox tədbirlər və açıq havada düşərgələr təşkil edir.
Bölmənin digər xəbərləri
