Azərbaycanın turizm imkanları İstanbulda təqdim ediləcəkdir
Bakı, 5 yanvar (AZƏRTAC). Yanvarın 24-dən 27-dək Türkiyənin İstanbul şəhərində keçiriləcək “EMİTT” Beynəlxalq turizm sərgisində Azərbaycan da təmsil olunacaqdır.
Mədəniyyət və Turizm Nazirliyinin turizm şöbəsindən AZƏRTAC-a bildirmişlər ki, beynəlxalq sərgidə ölkəmizin turizm potensialı icarəyə götürülmüş 70 kvadratmetrlik pavilyonda nümayiş etdiriləcəkdir.
Sərgidə ölkəmizin görməli yerləri, mədəni-tarixi abidələri, mehmanxana və turizm obyektləri Azərbaycan, türk və ingilis dillərində hazırlanmış müxtəlif adda kitabça, buklet və CD-lər vasitəsilə təbliğ olunacaqdır.
Sərgidə nazirliyin turizm şöbəsinin əməkdaşları, ölkəmizdə fəaliyyət göstərən bir neçə turizm şirkətinin nümayəndələri iştirak edəcəklər.
Bölmənin digər xəbərləri
