Azərbaycanın turizm potensialı ABŞ-da açılacaq beynəlxalq sərgidə nümayiş olunacaqdır
Bakı, 1 yanvar (AZƏRTAC). Azərbaycan yanvarın 18-dən 20-dək Nyu-Yorkda keçiriləcək “The New York Times Travel Show” Beynəlxalq turizm sərgisində təmsil olunacaqdır.
Mədəniyyət və Turizm Nazirliyinin turizm şöbəsindən AZƏRTAC-a bildirmişlər ki, beynəlxalq sərgidə ölkəmizin turizm potensialı icarəyə götürülmüş 28 kvadratmetrlik pavilyonda nümayiş etdiriləcəkdir. Sərgidə ölkəmizin görməli yerləri, mədəni-tarixi abidələri, mehmanxana və turizm obyektləri ingilis dilində hazırlanmış müxtəlif adda kitabça, buklet və CD-lər vasitəsilə təbliğ olunacaqdır.
Sərgidə nazirliyin turizm şöbəsinin əməkdaşları, ölkəmizdə fəaliyyət göstərən bir neçə turizm şirkətinin nümayəndələri iştirak edəcəklər.
Bölmənin digər xəbərləri
