Bakıda Fransanın Kann şəhərinin turizm imkanlarına dair təqdimat olmuşdur
Bakı, 16 aprel (AZƏRTAC). Bakıda Fransanın Kann şəhərinin turizm imkanlarına həsr olunmuş təqdimat keçirilmişdir.
AZƏRTAC xəbər verir ki, ölkəmizdə səfərdə olan Kannın nümayəndə heyətinə rəhbərlik edən şəhərin merinin müavini, Festivallar və Konqreslər Sarayının prezidenti David Lisnar Azərbaycan ilə Kann arasında turizm sahəsində əməkdaşlıq üçün böyük potensialın olduğunu vurğulamışdır. O, qeyd etmişdir ki, Kann ən tanınmış kurort hesab olunur və festivalları ilə məşhurdur.
Bu turizm marşrutunun seçiminin üstünlükləri barədə danışan Festivallar və Konqreslər Sarayının marketinq direktoru İzabel Qanj isə azərbaycanlı turistlərin Kanna aviareyslə İstanbul və ya Parisdən gələ biləcəyini, otel seçiminin çox böyük olduğunu demişdir. Bu şəhərdə 130-dan çox üç ulduzlu otellərdən tutmuş “lyuks” tipli otellər vardır.
Sonra “Majestic”, “JW Marriott”, “Intercontinental Carlton” və digər tanınmış otellər şəbəkələrin rəhbərlərinin təqdimatları olmuşdur.
Bölmənin digər xəbərləri
