Bakıda “Müasir marketinqin təcrübi aspektləri” mövzusunda seminar keçiriləcəkdir
Bakı, 16 iyul (AZƏRTAC). İyulun 19-da Bakıda Amerika İşgüzar Təcrübələr Proqramının (SABİT) təşkilatçılığı ilə turizm sahəsində çalışanlar üçün “Müasir marketinqin təcrübi aspektləri” mövzusunda seminar keçiriləcəkdir.
AZƏRTAC xəbər verir ki, seminarın proqramına marketinq kommunikasiyalarının analizi, yüksək marketinq xidmətinin saxlanılması, müştərilərlə münasibət və s. məsələlərin müzakirəsi daxildir.
SABİT proqramı ABŞ Konqresi tərəfindən maliyyələşdirilir və Avropa, Mərkəzi Asiya ölkələrinə bazar iqtisadiyyatına keçiddə texniki yardım göstərilməsini nəzərdə tutur.
Bölmənin digər xəbərləri
