Bakıda rekord şaxta 6 il əvvəl qeydə alınıb
Bakı, 23 fevral, AZƏRTAC
Bakı şəhərində fevral ayında ən soyuq temperatur 1954, 1969 və 2012-ci illərdə qeydə alınıb.
Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən xəbərə görə, 1954-cü ildə havanın orta aylıq temperaturu mənfi 0,7° olub ki, bu da iqlim normasından 5,6° azdır. Uzun müddət gündüz temperatur müsbət 6°-dən yuxarı qalxmayıb. Havanın minimal hərarəti isə mənfi 8°-dək enib. 1969-cu il fevralın 9-10-da temperatur mənfi 9,6° təşkil edib. 2012-ci il fevralın 8-də isə Bakıda rekord şaxta qeydə alınıb. Belə ki, həmin gün havanın hərarəti mənfi 11°-yə bərabər olub.
Bölmənin digər xəbərləri
