BDU ilə Qırğızıstan Beynəlxalq Universiteti arasında anlaşma memorandumu imzalanıb
Bakı, 19 dekabr, AZƏRTAC
Bakı Dövlət Universiteti (BDU) ilə Qırğızıstan Beynəlxalq Universiteti arasında əməkdaşlıq haqqında anlaşma memorandumu imzalanıb.
BDU-dan AZƏRTAC-a bildirilib ki, memorandum çərçivəsində birgə layihələrin, beynəlxalq elmi seminar və konfransların keçirilməsi, tələbə və müəllim mübadiləsi proqramlarının təşkili nəzərdə tutulur. Bu sənəd universitetlərin tədris, tədqiqat və beynəlmiləlləşmə istiqamətlərində təcrübə mübadiləsi üçün yeni imkanlar yaradacaq.
Bu əməkdaşlıq universitetlərin regionlararası elmi və mədəni inteqrasiyasını gücləndirərək tərəflərin qarşılıqlı faydalı inkişafını təmin edəcək.
Memorandumu BDU-nun rektoru Elçin Babayev və Qırğızıstan Beynəlxalq Universitetinin rektoru Ainura Adiyeva imzalayıblar.
Bölmənin digər xəbərləri
