Belçikanın “Glocal Communications SPRL” şirkəti Azərbaycanın turizm potensialını əks etdirən sənədli film çəkir
Bakı, 4 iyun (AZƏRTAC). Mədəniyyət və Turizm Nazirliyinin dəvəti ilə Belçikanın “Glocal Communications SPRL” şirkətinin 4 nəfər əməkdaşı Azərbaycanda səfərdədir.
Mədəniyyət və Turizm Nazirliyinin mətbuat xidmətindən AZƏRTAC-a bildirmişlər ki, səfərin məqsədi Azərbaycanın turizm potensialını əks etdirən sənədli filmin hazırlanması və Fransanın “TV 5 Monde”, Belçikanın “La Une” və Almaniyanın “TV Berlin” telekanallarında yayımlanmasıdır.
Bununla əlaqədar iyunun 4-dən 8-dək Bakı şəhərində və Quba rayonunda çəkilişlərin aparılması nəzərdə tutulmuşdur.
Səfər zamanı Azərbaycanın tarix və arxitektura abidələrinin, muzeylərinin, dini yerlərinin, müasir infrastrukturunun çəkilişləri planlaşdırılmışdır.
Bölmənin digər xəbərləri
