Bilgəh qəsəbəsində qəyyumluqda yaşayan uşaqlara baş çəkilib
Bakı, 27 yanvar, AZƏRTAC
Sabunçu rayonunda yaşayan valideyn himayəsindən məhrum və qəyyumluğa verilmiş uşaqların yaşayış şəraitlərinin yoxlanılması, mənzil-məişət vəziyyətlərinə baxış və ehtiyaclarının ödənilməsi məqsədi ilə “Qəyyumluqda olan hər uşağa diqqət və qayğı!” layihəsi həyata keçirilir.
Rayon icra hakimiyyətindən AZƏRTAC-a verilən məlumata görə, layihə çərçivəsində keçirilən növbəti görüş Bilgəh qəsəbəsində qəyyumluqda yaşayan uşaqlarla olub.
Sabunçu Rayon İcra Hakimiyyəti başçısının müavini Rəna Fərəcova, icra hakimiyyətində fəaliyyət göstərən qəyyumluq və himayəçilik komissiyasının katibi Səbahət Hünbətova, rayon icra hakimiyyətində şöbə müdirinin müavini Ədalət Teymurov, Qızıl Aypara Cəmiyyətinin rayon təşkilatının sədri Elmira Məlikova, Bilgəh bələdiyyəsinin sədri Təyyar İbadov və başqaları qəsəbədə yaşayan valideyn himayəsindən məhrum və qəyyumluğa verilmiş uşaqların yaşayış şəraitlərinə baxış keçirib, onların mənzil-məişət vəziyyətləri ilə yaxından tanış olublar. Uşaqlara müxtəlif hədiyyələr bağışlanıb, ərzaq bağlamaları təqdim edilib, söhbət aparılıb.
Layihə on ay davam edəcək.
Bölmənin digər xəbərləri
