BİR QRUP KANADALI ALİM VƏ HÜQUQŞÜNAS BU İLİN YAZINDA AZƏRBAYCANA SƏFƏR EDƏCƏKDİR
Kanada-Azərbaycan Əməkdaşlıq Assosiasiyasından AZƏRTAC-a bildirmişlər ki, Assosiasiyanın Azərbaycanla Kanada arasında əməkdaşlığın, dostluğun və qarşılıqlı anlaşmanın inkişafına dair layihəsi Kanada dövləti tərəfindən müsbət qarşılanmışdır. Hər iki ölkənin iqtisadi və siyasi maraqlarına uyğun olan bu layihənin həyata keçirilməsi üçün Kanada Fondundan maliyyə yardımı ayrılmışdır.
Layihəyə görə, bir qrup kanadalı alim və hüquqşünas bu ilin yazında Azərbaycana səfər edəcəkdir. Səfərdən məqsəd Azərbaycanda həyata keçirilən iqtisadi, hüquqi və siyasi islahatlarla yaxından tanış olmaqdır. Qrup Azərbaycanın bəzi regionlarında fəaliyyət göstərən kiçik, orta və böyük biznes strukturlarının rəhbərləri üçün informasiya, idarəetmə, marketinq və statistika sahələri üzrə təlim proqramları təşkil edəcəkdir. Proqramda həmçinin bəzi strukturlara texniki yardımların göstərilməsi də nəzərdə tutulmuşdur.
Layihə Kanadanın Turkiyədəki səfirliyiyinin dəstəyi ilə həyata keçiriləcəkdir.
Bölmənin digər xəbərləri
